Co fin de promocionar e apoiar á hostalería barquense, comeza este 5 de maio A Tapiña dos Xoves, unha iniciativa do Concello do Barco, O Centro Comercial Aberto e a Asociación Empresarial de Valdeorras en colaboración con Bodegas Godeval, Bodega Roandi, Hacienda Ucediños y Bodega Cooperativa Jesús Nazareno.
Todos os xoves, de 19:30 a 22:30 horas, os hostaleiros ofrecerán diferentes tapas e pinchos culinarios cun custe de dous euros. Esta nova cita gastronómica se alargará ata o vindeiro 16 de xuño contando con 15 establecementos participantes: Alpha Raíces, Bajo 5, Cervecería 13/14, Cociña do Lar, Dulce y Salado, El Dorado, El Muro, Excalibur, La Fábrica, Makoki, O Buraco, O Chao, Pazo do Castro, Piquiño, Veira Sil.
Ademáis, esta iniciativa contará con tarxeta de participación para aqueles clientes que consumiron as tapiñas en polo menos tres establecementos diferentes. Entre os participantes, sortearanse catro ceas para dúas persoas. O sorteo realizarase o día 20 de xuño, ás 18:00 horas na sede de AEVA e os números premiados se publicarán nas páxinas web e nas redes sociais das entidades organizadoras.