A Deputación editou unha guía turística para promocionar os recursos da comarca no resto do mundo e atraer visitantes. Baixo o título “Valdeorras, descúbrea”, o organismo provincial sacará á rúa 8.000 volumes.

Unha guía turística promocionará a comarca de Valdeorras no resto do mundo para atraer visitantes. A publicación, 8.000 volumes, dos que 3.000 están escritos en galego, foi presentada onte no Centro Cultural da Deputación. Ao acto acudiron o presidente do organismo provincial, José Luis Baltar, a voceira do “Foro Valdeorras século XXI”, María del Carmen Rodríguez, a directora da empresa Publicacións, Ana María Malingre, ademais do vicepresidente da Deputación, o valdeorrés Moisés Blanco. “A guía turística era unha necesidade para esta comarca que ten moito que ofrecer e que é a gran descoñecida”, asegurou Balta Pumar.

Pola súa banda, María del Carmen Rodríguez, asegurou que “esta é a primeira publicación dous recursos turísticos de Valdeorras”, dixo.

O “Foro Valdeorras século XXI” intégrano forza políticas, sociais e culturais da comarca. María del Carmen Rodríguez solicitou apoio á Administración para continuar poñendo en marcha iniciativas que dinamicen a economía da comarca.

A guía recolle monumentos históricos, paisaxes e rutas de senderismos polos concellos de O Barco, A Rúa, Vilamartín, O Bolo, A Veiga, Rubiá, Carballeda, Petín e Larouco, ofrecendo ao visitante lugares nos que poder comer, durmir e divertirse.

A presentación estivo arroupada por representantes políticos, empresarios e veciños.
 

Fonte: http://www.laregion.es