A reunión de onte era a primeira da reactivada plataforma prol autovía, reunida por unha convocatoria da asociación de empresarios de Valdeorras seguindo o decidido polos integrantes do foro Valdeorras século XXI. Nela decidiuse o envío do escrito a Fomento (que se fará esta mesma semana, probablemente, segundo díxose tamén) e tamén se pospuxo a convocatoria dunha segunda reunión á espera de que o ministro de Fomento dea a coñecer o novo plan de infraestruturas. «Será despois cando teñamos que ver en que aspectos fomos atendidos e en cales non, se é que nalgún non, para ver que seguimos reivindicando», explicaba o rexedor barquense, Alfredo García.