Un total de 34 establecementos comerciais da Asociación Empresarial de Valdeorras (Aeva), que preside Javier Rodríguez, investirán medio millón de euros na modernización e mellora dos seus locais, sempre apostando pola calidade e a innovación.

As reformas inclúen desde a adaptación ou ampliación dos locais ata a adquisición de mobiliario ou a compra de equipos informáticos para os seus negocios. Tamén recollen a consecución de caixas rexistradoras e inclusos sistemas antirroubos incorporados aos produtos.

Este grupo de comerciantes valdeorreses presentou os seus proxectos á Deputación provincial para participar no programa ‘Delerour', recibindo unha subvención total de 134.838 euros para executalos.